Зелена плочка - Еколошка химна

ЕКОЛОШКА ХИМНА

Секое дете,кога зора ќе заруди
треба гулаб или гугутка да го разбуди
и да здогледа драги, насмеани лица
да храни барем десетина птици
и да сретне, пред и по јадење,сито
дваесетина брези, липи или елка вита.
Така со малку добра желба таа младост
ке расте во нежност и со радост.

Секоја жена во животот треба
да одгледа и по некое бебе.
Сите жени, ако е можно сега
треба да имаат бавча на своите лица
со невенче, роза или љубичица.
Така нејзе, со малку повеќе мечти
деновите ќе и бидат како бавчи цветни.

Секој човек, треба како прво
за секое дете да засади дрво.
Секој човек, може, ако сака прошка
да калеми и негува по некоја овошка
и да има што повеќе другари
дрвја листопадни или четинари.
Така нему, по ширните друмја
ќе му шумоли овоштарник или шума.